ጉማየ! ጉማየ! ጉማይ ለለ!
ኵናት ምስ ዋልታኹም እተሰቕለ፣
ሴፍኩም፣ ጉራዴኹም፣ እተሳሕለ፣
ሽጉጥ፣ ጠበንጃኹም ’ተወልወለ፣
ጸላኢኹም ርሑቕ ዝወዓለ፣
ውሉድ ወለዶኹም ተዓደለ…

                       ጉማየ! ጉማየ! ጉማይ ለለ!
                        ዘረባኹም ሓቂ፣ ዝተማሕለ፣
                         መጽሓፍ ተጠቒዑ ዝተጣሕለ፣
                         ኢድኩም ክንደይ ድኻ ዝዓንገለ፣
                         ማርያም ኣኽሱም ጽዮን ’ተማህለለ፣
                          ውሉድ ወለዶኹም ተዓደለ…

ጉማየ! ጉማየ! ጉማይ ለለ!
ጉተናኹም ሰማይ ዝጠንቆለ፣
ገጽኩም ብሩህ፣ መልኣኽ ዝመሰለ፣
መልክዕ እነይ ማርያም እተሳእለ፣
ካብዙይ ዝበለኸ እንታይ ይድለ?
ውሉድ ወለዶኹም ተዓደለ…

                        ጉማየ! ጉማየ! ጉማይ ለለ!
                        ሞኸምብያ፣ ሞሰብኩም ዝጸምበለ፣
                         ጉዕሽኩም፣ ድቋኹም ዝጸለለ፣
                         ሜስኩም ብብርለ ዝዘምበለ፣
                          ጅግንነትኩም ዓዲ ዝዓብለለ፣
                          ውሉድ ወለዶኹም ተዓደለ…

Leave a Reply

Your email address will not be published. Required fields are marked *