I

ከኮሎኔል በቀለ ኃይለ ማርያም፡፡ bekelehm47@gmail.com

አልፎ አልፎ በተለያዩ ዘመናት እግዚአብሔር የመረጣቸውን የአገርመሪዎች፣ ለነቢያቱ እንደሚገልጽና ነቢያቱም ለሕዝቡ እንደሚነግሩ መጽሐፍ ቅዱስ ያስተምራል፡፡ ሆኖም፣ ትንቢት የመጣለት መሪ የተመረጠበት ምክንያቱ በክእሎቱ ወይም በመልካም ባሕርይው ነው ማለት አይደለም፡፡ ለሕዝቡ ጥሩ ዘመን ይሆናል ማለት አይደለም፡፡ አንዳንዱ ትንቢት ስለ ጥሩ ንጉሥ ሲሆን አንዳንዱ ደግሞ ስለሕዝቡ ክፋት መቀጣጫ የተላከ ዱላ እንደሆን የእግዚአብሔር ቃል ያስረዳል፡፡ ምሳሌዎች ብንመለከት፡-

ስለ መልካም ንጉሥ የተነገረ ትንቢት፡- 

ንጉሥ ዳዊት፣ ገና በአሥራ አራት ዓመቱ ገደማ ማለትም እረኛ በነበረበት ጊዜ፣ ለወደፊቱ የእሥራኤል ንጉሥ እንደሚሆን፣  እግዚአብሔር በነቢዩ ሳሙዔል በኩል የላከው ትንቢት፣ ከ15 ዓመታት በኋላ መፈጸሙ፣ ቀዳማዊ ሳሙዔል ምዕራፍ 16 ውስጥ ተጽፏል፡፡ ዳዊትም መልካም ንጉሥ ብቻ ሳይሆን፣ በባህርዩ ምስጉን እንዲሁም መንፈሳዊ መሆኑ በተግባሩ ስለተረጋገጠ፣ እግዚአብሔር “እንደልቤ የሆነ ሰው ፈቃዴንም ሁሉ የሚያደርግ የእሴይን ልጅ ዳዊትን አገኘሁ . . . . . .  ብሎ በሐዋርያት ሥራ ምዕራፍ 13 መስክሮለታል፡፡

ከክፋቱ አልመለስ ላለ ሕዝብ፣ የመቀጣጫ ዱላ ሆኖ ስለ ተላከ ንጉሥ የተነገረ ትንቢት፡-

እሥራኤል ሕዝብ ፈጣሪውን ለዘመናት በማሳዘኑና ማስጠንቀቂያዎችንም ሰምቶ ንሥሐ ባለመግባቱ እግዚአብሔ ንጉሥ ናቡከደናጾርን መቀጣጫ አድርጎ ልኮ ለ70 ዓመታት በባርነት እንደሚያስኖረው የላከው ትንቢት በኤርምያስ መጽሐፍ፣ ምዕራፍ 13 እና 14 ተጽፏል፡፡ ስለሆነም፣ የይሁዳን ሰዎች የመጣባቸውን ተቀብለው፣ 70 ዓመታቱን በባርነት እንዲገዙ፣ እንዲወልዱ እንዲዋለዱ፣ እንዲያርሱ መከሩንም እንዲያገቡ፣ ቤት ሠርተው ተደላድለው እንዲኖሩ ኤርምያስ ይነግራቸው ነበር፡፡ ታዲያ የታዘዙት አይሁዶች 70 ዓመታቱ እስኪደርስ በሕይወት ኖረው ወዳገራቸው ሲመለሱ፣ ወይ ለመቆየት የመረጡት እዚያው ቀሩ፣ ትንቢቱን ሰምተው ያልታዘዙት ማለትም ያገር ክብር ለማስጠበቅ፣ ናቡከደናጾርን እንዋጋለን፣ ብለው ባገር ፍቅር ወኔ ዘራፍ! እያሉ የተነሱት ሁሉ፣ አገራቸው ምድረበዳ እስክትመስል በሠይፍ አለቁ፣ ንብረታቸውም ወደመ፡፡ 

ከንጉሥ ናቡከደናጾር ጀምሮ፣ ጸረ ክርስቶስ እስከሚመጣ፣ ብሎም ዘልዓለማዊ ሕይወት እስኪጀመር፣ በዓለም ላይ ስለሚነሱ ዋና ዋና መንግሥታት መሪዎች የተነገሩ ትንቢቶች፡-

በትንቢተ ዳንኤል ምዕራፍ ሁለት የተዘገበውን ታሪክ በአጭሩ ብገልጸው — አንድ ሌሊት፣ ንጉሥ ናቡከደናጾር ያስገረመው ሕልም ካየ በኋላ፣ ሕልሙን በመርሳቱ በጣም ተረበሸ፡፡ ከዚያም ሕልም ፈቺዎች፣ አስማተኞች፣ መተተኞች እና ጠቢባን ሰብስቦ ሕልሙን ከነትርጉሙ ካልነገሩት፣  እነሱና ቤተሰባቸውን እንደሚያጠፋ፣ ከነገሩት ደግሞ እንደሚሸልማቸው ነገራቸው፡፡ እነሱም ሕልሙን አስታውሶ ከነገራቸው መፍታት እንደሚችሉ፣ የተረሳ ሕልምን ግን ከአማልክት በስተቀር ማንም ሊያውቅ እንደማይችል አስረዱት፡፡ ጠቢቡ ነቢይዳንኤል ግን ጊዜ እንዲሰጠው ጠይቆ ጸሎት ጊዜ ጀመረ፡፡ እግዚአብሔርም የንጉሡን ሕልምና የፍቺውን ምሥጢር በሌሊት ራዕይ ገለጠለት፡፡ ዳንኤልናቡከደናጾር ዘንድ ገብቶ፣ ንጉሡ አይቶ የረሳውን ሕልም እስከነ ፍቺው ነገረው፡፡

ሕል ሲያትትለት፡- ንጉሡ በሕልሙ ያየው አንድ የተብለጨለጨ  እና መልኩ ግሩም የሆነ ትልቅ የሰው ምስል ነበር ብሎ ጀመረለት፡፡ የምስሉ ራስም የተሠራው ከወርቅ፣ ደረቱና ክንዶቹ ከብር፣ ሆዱና ወገቡ ከናስ፣ ጭኖቹ ከብረት፣ እግሮቹም ከብረት እና ከሸክላ የተሠሩ ነበር አለው፡፡ ይሄም ምስል፣ የማንም እጅ ሳይነካው አንድ ድንጋይ ከተራራው ተፈንቅሎ እግሮቹን ሲመታው ብረቱሸክላው፣ ናሱ ብሩ ወርቁ በአንድነት ሲፈጭ፣ የተፈጨውም ተበትኖ ነፋስ ወሰ በመጨረሻም፣ ያ ምስሉን የመታ ድንጋይ ታላቅ ተራራ ሆኖ ምድርን ፈጽሞ እንደሞላ ማየቱን አስታወሰው፡፡ 

ፍቺውን ሲያስረዳው ደግሞ፡- ምዕራፍ አሥራ አንድ እንደተዘገበው፣ ምስሉ ከራሱ ከንጉሡ ናቡከደናጾር ጀምሮ በተለያዩ ጊዜያት ስለሚነሱ መንግሥታት መሪዎች መሆኑን እንደሚለው ገለጸለት፡፡ 1) ከወርቅ የተሠራው የምስሉ ራስ፣ ብርታትና ክብር ከእግዚአብሔር የተሰጠው ንጉሥ እንደሆነ፣ (ናቡከደናጾር እራሱ እንደሆን)2) ከብር የተሠሩት ደረትና ክንዶች ደግሞ ከናቡከደናጾር በኋላ የሚነሳው፣ አነስተኛ የሆነ መንግሥት እንደሆን (የፋርስን መንግሥት የሚመራውቂሮስ / ሳይረስ)3) ከናስ የተሠሩት ሆድና ወገብ ደግሞ በምድር ሁሉ ላይ የሚገዛ ሦስተኛመንግሥት በጦር በጣም ፈጣን በሆነ መሪ እንደሚመራ፣ (የግሪክመንግሥት የሚመራው አሌክሳንደር ዘ ሬት)4) ከብረት የተሠሩት ጭኖች ደግሞ፣ ከአሌክሳንደር በኋላ የሚገዛው በአራት የተከፈለ መንግሥት፣ ጨካኝ፣   ኃይለኛ እና ሌሎች መንግሥታትን የሚያደቅቅ እንደሆነ፣ (የቀድሞው የሮማ መንግሥት)5) ከብረት እና ከሸክላ የተሠሩት እግሮች ደግሞ፣ እኩሉ ብርቱ እኩሉ ደካማ ስለሆኑ መንግሥት እንደሆነ፣ አሥሮቹ የእግር ጣቶች አሥር የሚከፈሉመንግሥታትን እንደሚገልጹ፣ ብረቱ ከሸክላው ተደባልቆ እንዳየ፣ እንዲሁ ከሰው ዘር እንደሚደባለቁ፣ ሆኖም ብረት ከሸክላ ጋር እንደማይጣበቅ፣ እነርሱም እርስ በርሳቸው እንደማይጣበቁ፣ (ከምዕራብ እና ከምሥራቅ የሮማ ኤምፓየር የተውጣጣው አውሮፓ ማለትም በአሥር የተከፈለው፣ በመጨረሻም፣ ጸረ ክርስቶስን የሚወልደው)6) ድንጋዩም፣ ከተራራ ተፈንቅሎ ሁሉንም ፈጭቶ የበተነው ደግሞ፣ በሰው እጅ ያልተሠራ፣ የሰማይ አምላክ የሚያስነሳው መንግሥት እንደሆነ እና ለሌላ ሕዝብም የማይሰጥ መንግሥት እንደሚሆን ከወርቁ እስከ ሸክላው ያሉትን መንግሥታት ሁሉ እንደሚፈጫቸውና እንደሚያጠፋቸው፣ ከዚያም ያ መንግሥት፣ በዓለም ሁሉ ለዘላለም የሚቆም እንደሆነ፣ (ድንጋዩ ኢየሱስ ሲሆን፣ መንግሥቱ ዘላለማዊው የእግዚአብሔር መንግሥት ነው፡፡)

ዶክተር አቢይ የኢትዮጵያ ጠቅላይ ሚኒስቴር እንደሚሆኑ የተነገረው ትንቢት፡-

ስለ ጠቅላይ ሚኒስቴሩ የተነገረውን ትንቢት፣ “ዶክተሩ ሹመቱን  ከማግኘታቸው ከስድስት ዓመታት በፊት የተነበይኩት እኔ ነኝ፡፡” በማለት አንዲት የዘመናችን ነቢይት በቴሌቪዥን በተዳጋጋሚ ቢያስነግሩትም፣ ትንቢቱን ያመጡት ሌላ ከገጠር የመጡ ነቢይት ናቸው፡፡ በቴሌቪዥኑ የታየው “ክሊፕም” በኤዲቲንግ ቴክኒክ የተለዋወጠ ነው፡፡ ለማንኛውም፣ ዋናው ጉዳይ ትንቢቱን ማን አመጣው ሳይሆን መምጣቱ ነው፡፡ በእርግጥም ከእግዚአብሔር መጥቷል፡፡ ትንቢት ነው ባይሉትም፣ ጠቅላይ ሚኒስቴሩም፣ ሌሎችም የሳቸውን ወደዚህ ወንበር መድረስ በቅድሚያ ማወቃቸውን ሲያወሩ፡- መሪ እንደምሆን፣ እናቴ ተናግራ ነበር፡፡ ብለዋል፡፡ ደስ ይላል፡፡ ብዙ እናት ስለልጇ ብዙ ትተነብያለች፡፡ ብዙዎቻችን ምን እየተባልን እንዳደግን እናውቃለን፡፡ እኔን እንኳን እናቴ “እኔኮ ያገርህ ጠቅላይ ሚኒስቴር እንድትሆን ነው ያዘጋጀሁህ!”  ስትለኝ “ምናባቴ ላርግ፣ ይሄ መለስ ዜናዊ ወንበሩን ይዞ አልወርድ አለኝ” እያልኩ እቀልድባት ነበር፡፡ ለማንኛውም፣ ትንቢት የመምጣቱ ምክንያት፣ ያ ዘመን የደስታ ጊዜ ይሆናል ብሎ ለእፎይታ እንድንዘጋጅ ሳይሆን፣ ጉዳዩ  ከእግዚአብሔር እንደሆን ተረድተን፣ ትንቢቱን ተቀብለን፣ እንደ እግዚአብሔር ፈቃድ እንድንኖር እንደሆን፣ ስለ ንጉሦች ወይም መሪዎች፣ በመጽሐፍ ቅዱስ እና በአፈታሪክ የተነገሩት ትንቢቶች እና ውጤታቸው ያስተምሩናል፡፡ ስለንጉሥ ዳዊት ስለነ ዖዝያን፣ ሕዝቅያስ፣ ወዘተ መልካም ዘመናት ትንቢት እንደተተነበየ ሁሉ፣ ስለነ ሂትለር፣ ስለነ ኢዲያሚን እንዲሁም ስለ ጸረ ክርስቶስ ተተንብዩዋል፡፡ 

ታዲያ አሁን የዶክተር አቢይ ጠቅላይ ሚኒስቴር መሆን                         በመጽሐፍ ቅዱስ መነጽር እንዴት እንየው?መልካም ጊዜ ወይስ የጭንቅ ጊዜ?

ስለ ዶክተር አቢይ የመጣው ትንቢት ስለ መልካም ዘመን ወይም ተቃራኒውን እንደሚሆን በእርግጠኝነት የምንለየው፣ ከትንቢቱ ጋር ማብራሪያ ቃል ቢተነበይ ነበር፡፡ ከትንቢቱ ጋር የመጣ የመግለጫ ቃል ስለሌለ፣ ጊዜውን መገምገም የምንችለው፣ የሥራቸውን ውጤት በሂደት በማጤን ብቻ ነው፡፡ ይህ ትንቢት መተንበዩ፣ የመልካም ጊዜ መምጣት መስሏቸው፣ በጴንጤ እምነት ውስጥ ያሉ በርካታ አማኞች፣ ከኔም ጭምር ተደስተን ነበር፡፡ የደስታ፣ የሰላም፣ የበረከት ጊዜ የመጣ መስሎን ፈነደቅን፡፡ በየስብሰባችን ለጌታ ምስጋና በመዝሙር፣ በእልልታ እና በሽብሸባ ገለጽን፡፡ እግዚአብሔርን አየኸን ወይ? አልን፡፡ ቤታቸውን ዘግተው ለብቻቸው ተማክረው ገፈቱን (የሥራቸውን መጥፎ ውጤት) በግድ ከሚግቱን ከቀድሞዎቹ መሪዎች ገላገልከን ወይ? አልን፡፡ ጥያቄ ስንጠይቃቸው፣ በቁጣ ከሚያደናግጡን፣ ግንባራቸው ከማይፈታ እና “ጸረ ኢሀደግ” እያሉ ከሚያስፈራሩን መሪዎች ገላገልከን ወይ? አልን፡፡ የፓርቲያቸው ደጋፊ ያልሆነ ዜጋ ከጥቅም ተካፋይ እንዳይሆን ከሚያከላክሉ መሪዎች ገላገልከን ወይ? አልን፡፡ በልሣን የሚናገር መሪ መጣ ብለን ኮራን፡፡ 

በአጭር ጊዜ ግን ሁኔታዎችን የሚያጠያይቅ ጊዜ መጣ፡፡ ጠቅላይ ሚኒስቴሩ ከልክ ያለፈ ስሜታዊ መሆናቸው፣ ማለትም ደስ ሲላቸው ቸኮላት እንደተሰጠው የሰባት ዓመት ልጅ ሲፍለቀለቁ እና አንዱን ሲያቅፉ አንዱን ሲስሙ፣ አንዱን ምሥጢር የሚያወራ መስለው በጆሮው ሲያንሾካሽኩ፣ አንዱን እንደ ትንሽ ልጅ እጁን ይዘው እያሳሳቁ ሲሄዱ መምሬ ወልደ ሕጻንን ያስታውስጀመር፡፡ ሲያዝኑ ሊሰበር የሚደርስ ዕቃ ይመስላሉ፣ ሲከፋቸው ደግሞ፣ የፊታቸው መለዋወጥ እና የንዴታቸው መግለጫ ቃላቶ፣ ከጠቅላይ ሚኒስቴር ቀርቶ ከአነስተኛ ደረጃ ኃላፊ የማይጠበቅ በመሆኑ፣ ከአንድ ጫፍ ወደ ሌላ ሚሄድ የስሜት ዥዋዥዌ የሚኖሩ አስመሰላቸው፡፡ አሁን የሚያንቋሽሹትን፣ ጠቅላይ ሚኒስቴር እስኪሆኑ ድረስ ግን በኩራት በሚኒስቴርነት ደረጃ ሲያገለግሉት የነበረውን የገዛ ፓርቲያቸውን፣  በድንገት ገልበጥ ብለው ከድተው የፓርቲውን መሪዎች ማጣጣል ብቻ ሳይሆን፣ ለማጥቃት እንዲመቻቸው፣ የወሰዱት እርምጃ ያሳፍራል፡፡ “ኦፖርችዩኒስት” መሆንን ያመላክታል፡፡ የ”ኢንቴግሪቲ” ያለህ!!!  ጠቅላይ ሚኒስቴሩ ጸረ ትግራይ ኃይሎች አስደስት ብለው፣ “ሕጻኑ የታጠበበትን ቆሻሻ ውሃ፣ እስከነሕጻኑ ደፉት” እንዲሁም፣ ኢሀደግ ቨርስስ ኢሀደግ ሆነ፡፡ “እርስ በርሱ የተከፋፈለ ቤት! ታዲያ ያ ሁሉ የተተነተነው ኃጢአት እና በአርቲስቶች ተቀናብሮ በቲቪ የታየው ድራማ እውነት ከሆነ፣ እንዴት ዝም ብለው ቀድሞ በደህንነት በኋላም በሳይንስ እና ቴክኖሎጂ ሚኒስቴርነቱን ለዓመታት ቀጠሉበት? እንዴትስ ችግሩን ያስተዋሉ ጊዜ፣ ቀፏቸው አሻፈረኝ፣ የዚህ መንግሥት ሥራ አስፈጻሚ አልሆንም ብለው በቆራጥነት አልወጡም ነበር? ለምን ዝም ብለው ቆዩ? በእንግሊዝኛ courage በአማርኛ “ችግርን የማይፈራ የድፍረት ጠባይ” አላከበቱም? ክህደት አመቺ ደቂቃ ነበር የጠበቁት? የክርስቲያን ባሕሪ ያለህ!!! ወይስ የጥላቻ ፖለቲካ በማራመድ ጸረ ትግራይ ወዳጆቻቸውን ለማስደሰት የተቀናበረ የሐሰት ድራማ ነው፡፡ ‘በነባር የህወሃት መሪዎች ላይ “ቬንዴታ” አላቸው በተለይም ከጌታቸው አሰፋ ጋር በደህንነት ውስጥ ሲሠሩ’ የሚባለው፣ ሐሜት መስሎን ያለፍነው ወሬ ሁሉ፣ እውነት ይሆን? የደም መላሽ ያለህ!!! በሠፈሩበት ቁና መሠፈር ካልቀረ ደግሞ፣ ለወደፊት እሳቸውንም በተመሳሳይ ልብ ወለድ ውንጀላዎች የሚፈርጃቸው መንግሥት ሲመጣ ድራማው ይቀጥላል፡፡ ባልና ሚስት ለዘመናት ተፋቅረው ኖረው እና ልጆች አሳድገው፣ ለመፋታት ሲወስኑ፣ ሽማግሌዎች ዘንድ ሄደው እርስ በርስ ሲወነጃጀሉና ስም ሲጠፋፉ፣ ሁለቱም፣ ለተመልካች የሚቀፉትን አስታወሰኝ፡፡ ለብዙዎቻችን፣ የፓለቲካ ሞያ የሚቀፈው፣ በእንደዚህ ዓይነት ጊዜያት የሚመጣው መከዳዳት ነው?

ደግሞም፣ በሰከነ መንፈስ ሳያጤኑት፣ ከብልሆች ሳይማከሩበት፣ ምንም ዓይነት ስምምነት ሳይደረግ፣ ባስቸኳይ ከኤርትራ ጋር እርቅ አድርገውከፕሬዚዳንት ኢሳያስ ጋር ፍቅሩና ፍሰስ ተፋሰስ ግብዣዎች አቀለጡ? እነ መለስ፣ ናቅፋን አንቀበልም ሲሏቸው፣ ፕሬዚዳንት ኢሳያስ በንዴት መንፈስ፣ ቦምብ የረፈረፉባቸው የአይደር ሕጻናት ሁኔታውን በቲቪ ሲያዩ ምን ብለው ይሆን? ኧረ ያቺ ሸበሎቿን ያስረከበች የኢትዮጵያ እና የኤርትራ እናት ምን አለች? ያ የኢትዮጵያ ነጋዴስ፣ በአሰብ ወደብ በኩል የንግድ ዕቃዎቹን ሲያስመጣ፣ በፕሬዚዳንት ኢሳያስ ትእዛዝ ወደ አሥመራ የተወሰደበት ምን አለ? ፕሬዚዳንት ኢሳያስ እንደገና እንደነዚህ ዓይነት ተግባሮችን እንደማይደግሟቸው፣ የገቡት ቃል ሳይኖር ወደ ግብዣ ጠረጴዛ እንዴት ተሄደ?  

እንደዚሁም፣ ኤርትራን ፍቅር እያሳዩ፣ ትግራይን መስደብ እና መጥላት የመጣው፣ ጸረ ትግራይ ኃይሎችን ለማስደሰት ነው? ወይ እነኢማይሬትስ ቃል የገቡትን ቢልየንስ ማሰላሰል የመነጨ ነው? ብዬ ማሰብ ጀመርኩ፡፡ መጽሐፍ ቅዱስ በአንደኛ ጢሞቴዎስ ምዕራፍ 6 ቁጥር 10 ውስጥ እንዲህ ይላል፡- “ገንዘብን መውደድ የክፋት ሁሉ ሥር ነውና፣ አንዳንዶች ይህን ሲመኙ፣ ከሃይማኖት ተሳስተው በብዙ ሥቃይ ራሳቸውን ወጉ፡፡ አንተ ግን፣ የእግዚአብሔር ሰው ሆይ፣ ከዚህ ሽሽ፤ ጽድቅንና እግዚአብሔርን መምሰል እምነትንም ፍቅርንም መጽናትንም የዋህነትንም ተከታተል፡፡” የጥላቻቸው ምክንያቱ ምንም ቢሆንም፣ አማራ ወይ ትግሬ ያልሆነውን፣ ጥላቻውን ተካፋይ ያልሆነውን ሕዝብ ሊያሳስበው እንደሚችል መሪው አልገመቱም፡፡ የኢሳያስ ፍቅርስ ለማን በጀ? መጨረሻው የባሕር ሰለባ እንደሚያደርግ አልተገነዘቡም? ከትግራይ ኢሳያስ ተሻላቸው?

ከሁሉም ነገር በላይ በጠቅላይ ሚኒስትሩ የመሪነት ችሎታ ላይ እምነቴ የተሸረሸረው ዴሞክራሲን የሚያከብሩ መሪ ለመባል፣ ቅድመ ዝግጅት ወይም ሕጋዊ አቋም ሳይደረግ፣ ከተቃራኒ ፓርቲዎች ጋር በጽሑፍ ስምምነት ሳይገባ፣ በስሜት ግፊት የተደረገው “አገር ግቡ” ጥሪ፣ ከዚያም ሽፍንፍን እርቅ፣ ግብዣ፣ ሠልፍ እና ፉከራ፣ ዛሬ ምታለቅሰዋ የኦሮሚያ እናት መነጽር እያየሁት፣ አልዋጥ አለኝ፡፡ መረረኝ፣ አንገፈገፈኝ፡፡ በስሜት የተጠነሰሰው፣ ብስለት የጎደለው፣ ጥሩ መሪ ለመባል የተደረገው እሽቅድድም፣ “ሲሮጡ ታጥቀውት፣ ሲሮጡ ተፈትቶ፣ ግቢ ነፍስ ውጪ ነፍስ ሆኗል፡፡ የኢትዮጵያ መከላከያ፣ ኢትዮጵያን ባየር ደበደበ??? ያገር ያለህ! የወገን ያለህ!!! ስሜት የፈጠረው ውዥንብር!!! ምን ይደረግ? ጠቅላይ ሚኒስቴራችን፣ ምነው ከዘጠኙ የመንፈስ ቅዱስ ፍሬ አንዱ የሆነውን ራስን የመግዛት ባሕርይን ሳይለማመዱ ነው ወደ አገር መሪነት የገቡት? ታዲያ የራሱን ስሜት ያላስተዳደረ፣ ሌላን ሊያስተዳድር ይችላል? በኦሮምያም በትግራይም ተወሰደው ጥበብ ጎደለሽ እርምጃ ውጤት፣ ኢትዮጵያ ትሸራረፍ ይሆን? የሚለው ስጋት ለመጀመሪያ ጊዜ ልቤ ገባ፡፡ በልሣን ከሚናገር አማኝ ያልጠበቅሁት ባሕሪ ልቤ ከመስበሩ ሌላ የኢትዮጵያ ሕዝብ አንድነ ማሰልሰሉን ስላስተዋልኩ፣ እኔም እንደሌላው “የምህለላ ጸሎት ስብሰባና ወዲህ በለኝ!” ስባለኝ ጥቂት ወራት ሊሆን ነው፡፡         

ችግሩ፣ ብዙዎች መደንገጥ እና የሐዘን ድባብ መፍጠሩ፣ በየቤተክርስቲያኑ በለቅሶ የሕብረት ንሥሐ መግባት መጀመሩ ምስክር ነው፡፡ ያ ጊዜው የኛ ነው!” ብሎ ኮርቶ የነበረው ጴንጤ ሁሉ እንደ ደርግ ዘመን፣ በቅጽበት “ጌታ ሆይ! ኃጢአታችን በዝቶ፣ አስቀይመንህ ነው፣ ይቅር በለን!”የሚል የምህለላ ፕሮግራሞች፣ ማለትም የአዳር ጸሎት፣ ወይም የጥሞና ጊዜ ለመውሰድ እየተደራጁ ጾም ጸሎት “ምሽግ መግባት” መጣ፡፡ አንዳንዱም ነቢይ፣ አንዱ ብሔር በሌላው ብሔር ላይ ተነስቶ፣ በኢትዮጵያ ደርሶ የማያውቅ የደም ጎርፍ ባገሪቱ ሲጎርፍ ጌታ አሳየኝ፤ ወደ እግዚአብሔር ጩሁ፣ አልቅሱእያለ ራሱ እያለቀሰ መጸለይ ጀመረ፡፡ ከብዙዎቹ አንዱን ለምሳሌ ያህል በሚቀጥለው የድህረ ገጽ አድራሻ ማየት ይቻላል፡፡ 

እኔም የዘመን መለወጫ ቀን፣ እንደሌላው ዓመት በዓል፣ በደስታ ከማሳለፍ ይልቅ፣ በተመሳሳይ ቤተ ክርስቲያን ውስጥ ምእመ ጋር በምህለላ እየዬ በማለት አሳለፍኩት፡፡ አሁንማ ፍርሃት ያደረባቸው ወላጆች፣ እንደ ደርግ ዘመን፣ ጎረምሳና ኮረዳ ልጆቻቸውን በምን ዘዴ ካገር ውጪ ሰደው እንደሚያስተምሩ መመካከር ጀምረዋል፡፡ ሌላ ክልል የሚኖሩ የትግራይ ተወላጆች በወገኖቻቸውየደረሰውን በማየት እና ለልጆቻቸው በመሳሳት፣ ሥራና ቤታቸውን ጥለው ወደ ትግራይ ስለሚሄዱ፣ ወደመቀሌ የሚበረው የየቀኑ አውሮፕላን ብዛት መጨመር፣ ከሌላ ክልል ብንሆንም የጥላቻው ተካፋይ ላልሆነው የእፍረት ምንጭ ሆኗል፡፡

እንደዚሁም፣ ከአዲስ አበባ ውጭ ብዙ ትምህርት ቤቶች እና ኮሌጆችተዘግተዋል፤ በርካታ ከክልል ወደ ክልል የሚሄዱ መንገዶች ተዘግተዋል፡፡ከአማራ ወደ ትግራይ የሚሄደው መንገድ ከተዘጋ ሰባት ወር እንዳለፈው ሰሞኑን ይፋ ሆኗል፡፡ ከትላንት ወዲያ፣ በጎንደር እና በቅማንት መሃል በነበረው ያለመግባባት ዜጎች ሕይወታቸው ጠፍቷል፡፡ ባገር ሁሉ ተጧጡፎ የነበረው የሕንጻ ግንባታ ሥራ ታሪክ ሆኗል፡፡ የንግድ ሕብረሰቡን ከሁሉ አንገብጋቢ ሆኖ የታየው፣ ሰዉ ገንዘብ አያወጣም፣ ገበያ የለም፤ የመርካቶ ነጋዴ ትርፍ ማግኘትቀርቶ ቤት ኪራዩን መክፈል ተስኖታል፡፡ የውጭ ምንዛሪ ስለሌለ፣ ንግዶች መካሄድ ተስኗቸዋል፣ የዕቃ ውድነት ብሩ ቅጠል አስመስሎታል ነው፡፡ ታዲያ በዚህ ሁሉ የሕዝብ ጭንቀት ውስጥ፣ ዶክተር አቢይ የነገሩን አሳሳቢነት ወይም ግዙፍነቱን የተረዱት አይመስሉም፡፡ ወደ ላይ እያዩ በማልቀሻቸው ሰዓት፣ መፍለቅለቁ ቀጥሏል፡፡ ወይስ ከእንቅልፋቸው ያልነቁት / ያልተቀሰቀሱት አውቀው ተኝተው ነው? 

በሌላ በኩል ደግሞ፣ ጠቅላይ ሚኒስቴሩ አጣብቂኝ ሁኔታ ውስጥ ስለገቡ ያሳዝኑኛል፡፡ በአገሪቱ በየክልሉ ሰላም መጥፋቱ እና ጥላቻ መብዛቱ፣ መንፈሳዊ ሰዓቱ ይሆን እላለሁ፡፡ በሌላም እንቆቅልሽ የሆነብኝን ሳስበው፣ ለጠቅላይሚኒስቴርነቱ ያበቋቸው እነሱ መሆናቸውን የአማራ ክልል መሪዎችገልጸውታል፡፡ ታዲያ እነሱን ማስደሰቱ ግድ ስለሚላቸው ይሆን ትግራይን ለማጥቃት የወሰኑት እላለሁ፡፡ ምነው የአማራ ክልል መሪዎችስ ይሄን 200 ዓመታት ተዘፍቀንበት፣ መልካም ውጤት ያላመጣውን ጥላቻ ቢተዉት! ምናለ ምሳሌ ቢሆኑ! እላለሁ፡፡ አንዳንዴም፡- ህወሃትን የእጃቸውን ሰጣቸው፡፡ እነሱኃይል በጨበጡ ጊዜ ተመልካች እስኪሰለቸው ድረስ አሁን እነ ዶክተር አቢይ እና የአማራ ክልል መሪዎች በቲቪ የሚያደርጉትን ያደርጉት አልነበረ? እንዲያውም የትግራይ ምሑራን ስድቡን ተዉ ሏቸው እንኳን ሊሰሙ፣ በማግሥቱ በእልህ መንፈስ፣ ነፍጠኛ! ትምክህተኛ! ሲሉ አልነበር? “ብድር በምድር” እላለሁ፡፡ በአንጻሩ ደግሞ፣ በጌታ ቃል መነጽር ላየው እመርጥና፣ ዶክተር አቢይየሰውን ጊዜያዊ ጠባይ ትተው፣ የሚያምኑትን የፍቅር አምላክ ትምህርትን ተከትለው፡-

አንደኛ፣ በአማራና በትግራይ ክልሎች መሃል ለዘመናት ሲካሄድ በኖረው የመቀያየም እሳት ውስጥ ቤንዚን ከሚያርከፈክፉ፣

ሁለተኛ፣ ፕሬዚዳንት ኢሳያስ ጋር በመታረቅ የሚመጣውን $$$ በማሰብ፣ ለትግራይ ሕዝብ ደንታ እንደሌላቸው የሚመስል ጠባይ ከሚያንጸባርቁ፣ 

በሁለቱም ሁኔታዎች፣ ፍቅርን መሥራች ቢሆኑ ኖሮ ምን ዓይነት የፖለቲካ እና የታሪክ ድል ይሆንላቸው ነበር! እላለሁ፡፡ Missed opportunity የሚባለው እንዲህ ነው፡፡

መዝጊያ፡-

የዶክተር አቢይ ወደ መሪነት የመምጣት ትንቢት፣ ምንም እንኳን ፈጣሪ የመጣ ነው ብዬ ባምንም፣ ለመልካም ጊዜ ነው ወይስ ለጭንቅ ዘመን? ለሚለው ጥያቄ፣ እኔ በበኩሌ፣ መልሱ ወደአሉታው የሚያመዝን ይመስለኛል፡፡ ለዚህ ግምጋሜ ያደረሱኝን፣ ከላይ የጻፍኩትን እና ከዚህ በታች የዘረዘርኩትን ምክንያቶቼን በማንበብ፣ የመጣው ትንቢት፣ ስለ ጥሩ መሪና ስለ ጥሩ ዘመን መሆኑን ወይም አለመሆኑን፣ እስቲ አንባቢ ይፍረድ!

(1) ጠቅላይ ሚኒስቴሩ ኃይል ከያዙ ጀምሮ በደቡብ፣ በሰሜን፣ በምዕራብ እና በምሥራቅ ሰላም የለም፡፡ ብሔር ግጭት የሞቱት ሰዎች ብዛት ይዘገንናል፤ 

(2) በዓለም ተወዳዳሪው ሌላ አንድ አገር ብቻ የሆነ የተፈናቀለ ሕዝብ ብዛት፤ እንዲሁም አብሮ የሚመጣው በሽታና ሞት ያስለቅሳል

(3) ንግድ መቀዝቀዙ፣ ዶላር መጥፋቱ እና ዕቃ መወደዱ ያሳስባል

(4) ዓይኑን አፍጦ በግላጭ ፊት ለፊት የመጣ ጎሳን መሠረት ያደረገ ጥላቻአንዱ ብሔር በሌላው ስድቦች እና ዘፈኖች የተለመዱ መምጣታቸው፣ መጥፎ ጊዜያትን ያመለክታል፤

(5) በሳቸው ጊዜ የመጡት ችግሮች ከባድ በመሆናቸው፣ ተበደልን የሚሉ ክልሎች፣ መፍትሔ ፍለጋ ለመገንጠል እንዳይወስኑ የሚፈራበት ጊዜ፣ የጥሩ ዘመናት ምልክት አይደለም፤

(6) የእርስ በርስ ውጊያ በኦሮሚያ መጀመሩ ያደብናል፡፡ ያንቀጠቅጣል፡፡ ይመራል፡፡ ያንገሸግሻል፡፡ ከሳቸው ችኩል የ”አገር ግቡ” ጥሪ ውጤት መሆኑ ያሳፍራል፣ ያናድዳል፤

(7) ብዙ ሰላማዊ ሰው ከገበሬው ጭምር መሣሪያ ታጥቋል፡፡ ዶክተር አቢይን ለወንበራቸው በቁት አንዱ አቶ ገዱም፣ የገበሬውን መታጠቅ በኩራት ማመናቸው፣ ለጭንቅ ዘመን የሚያዘጋጁን ይመስላል፡፡ ለበረከት እና ለብልጽግና ዘመን ሰው ለመገዳደጋል አይዘጋጅም፤

(8የሚቀጥለው ጦር ሜዳ መቀሌ ይሆን? ወይስ ኦሮሚያ ውስጥ በመፍሰስ ላይ ያለው የሕዝብ እንባና ደም፣ ጦርነትን እንዳይመርጡ ያረጋቸው ይሆን? ያሰኛል፡፡“ኧረ ቲም ለማ፣ ኧረ አቶ ገዱ! ምንድነው ጉዱ?

እግዚአብሔር ሆይ!  • ዶክተር አቢይን፣ ችኩልነትን አርቅላቸው፡፡ የሰከነ መንፈስ ስጣቸው!እያልኩ እጸልያለሁ፡፡ እናንተስ?• ጌታ ሆይ፣ ጸሎታቸውን በመንፈስ ቅዱስህ አስተካክልማስተዋልን፣ ዕውቀትን እና ጥበብን ሰጥተህ፣ ራሳቸውን እና የሥራቸውን ውጤት ተገንዝበው፣ ራሳቸው ትክክሉን እርምጃ እንዲወስዱ እርዳቸው• እስከዚያው፣ በዕድሜም በጥበብም በሳል የሆኑ በጎ መካሪዎችን  በአካባቢያቸው አብዛላቸው! • እሳቸውንም በትሕትና የሚሰማ ልብ ስጣቸው! • ለፌደራል ሚሊታሪው አስተዋይነትን እና ታጋሽነት አብዛለት!• እንደ ርዋንዳ፣ ሱማሌ ወይም ሊቢያ እንዳንሆን እንድንጸልይ በነቢያቶችህ በነገርከን መሠረት የምንጸልየውን ጸሎት ስማን!• የትግራይ ሕዝብ ጦርነትን እንዳይመርጥ፣ ያልታሰበ አዲስ መፍትሔን እንዲፈጥር እርዳው!• ለዘመናት የኢትዮጵያውያን ልጆቻችን ደም የፈሰሰው ይብቃ! በቃችሁ በለን! • በኦሮሚያ የተነሣው ጦርነት በቶሎ ይቁም! የልጆቻችን ደም አይፍሰስ! በቃችሁ በለን! • ሌላ የኦሮሚያ እናት አታልቅስ! በቃችሁ በለን!• ታሪክ የምትቀለብስ አምላክ ሆይ! ካሁን በኋላ የአንድ ሰው ደም አይፍሰስ! ከቀያቸው የተፈናቀሉት አንድ ተኩል ሚልዮን ወገኖቻችን ወደቤታቸው ይግቡ! የጦርነት ወሬ ይጥፋ! ችግር ይጥፋ!• ብር፣ ዶላር፣ ዩሮ እና ዬን እየተጠራሩ አገራችን ይግቡ! ባንኮቻችን በውጭ ምንዛሪ እጭቅ ይበሉ!

ኢንቬስተሮች ይረባረቡብን!• ባገራችን ሰላም ይሁን!• አሜን፣ ኬር፣ ኬር ይሁን ኬር፣ ኬር ይሁን ኬር፣ ኬር ይሁን ኬር፣ ኬር ኬር ኬር . . . . . .

Leave a Reply

Your email address will not be published. Required fields are marked *